Уште две екипи обезбедија пласман во полуфиналето на кошаркарскиот Куп „Благоја Георгиевски – Буштур“ кој се организира во Битола, тие се Еуро Никел и Работнички.

Еуро Никел го елиминираше Чаир 2030 со резултат 87:79 најмногу благодарение на МекИвен кој постигна 28 поени и имаше девет скокови.

На спротивната страна Роби запиша 20 поени (осум скокови), додека Мустафица имаше „дабл-дабл“ учинок од 19 поени и 10 скокови.

Противник на Еуро Никел во полуфиналето ќе биде подобриот од пресметката Пелистер – Феникс 2010.

Работнички со 75:68 славеше против ТФТ, најефикасен во победничките редови беше Рикиќ со 23 поени (девет скокови). Кај поразениот се истакна Верц постигна 13 поени.

Противник на тимот од Градски парк во полуфиналната фаза ќе биде МЗТ Скопје Аеродром кој претходно оствари победа над Гостивар.