МЗТ Скопје Аеродром е првиот полуфиналист во Купот
Во првиот четвртфинален натпревар од кошаркарскиот Куп „Благоја Георгиевски-Буштур“ кој се организира во Битола денеска екипата на МЗТ Скопје Аеродром триумфираше над Гостивар со 91:76.
Иако не почна како стартер, Крстевски брзо влезе во поентерска серија, за прво, какво-такво резултатско одвојување, односно МЗТ Скопје да поведе со 37:33 во 13 минута. Но, Гостивар имаше неколку расположени кошаркари во Вилијамс и Инграм кои искомбинираа 23 поени за краток временски интервал.
По тајм-аутот на Гостивар, „се вклучи“ и Робев, кој погоди две тројки за уште повисоки 43:35 во корист на фаворитот. Погоди уште две репрезентативниот бек, за МЗТ Скопје има и двоцифрени 48:38. А со помош на Делалиќ составот на МЗТ дојде до уште поголеми 54:40 на полувремето.
На средина од третата четвртина, екипата од Аеродром достигна предност и од 25 поени (70:45), и тука некаде и дефинитивно го скрши отпорот на гостиварци, каде евидентно, недостасуваа и други играчи кои може да го следат поентерскиот ефеткт на Инграм и Вилијамс. По 30 минути игра, МЗТ имаше нешто пониски (74:56).
Делалиќ реализираше 22 поени, Робев додаде 13, исто колку и Ворку односно Танасковиќ. Вилијамс беше првиот стрелец на Гостивар со 23 поени, Инграм имаше 20, а до двоен број на поени дојдоа и Џонс (14) и младиот Коскоски – 12.
МЗТ кој го брани трофејот во полуфиналната фаза ќе игра против подобриот од дуелот Работнички – ТФТ Моцарт.