25 C
Скопје

Работната клима во Германија се подобрува трет месец по ред

Аналитичарите предвидуваа поскромен раст, на околу 89,3 бодови. Вредностите под 100 бодови покажуваат негативни изгледи.

Во Германија трет месец со ред се забележува подобрување на работната клима имајќи предвид дека најголемата европска економија со големи чекори се придвижи во насока на опоравување. Овие резултати ги предочи извештајот кој е објавен денеска од страна на германскиот институт „Ифо“.

Индексот на работната клима кој го изработува овој институт за економски истражувања се темели на анкети врз приближно 9.000 германски компании, а во јули во однос на претходниот месец забележан е раст од 4,2 бодови, и сега тој изнесува 90,5 бода.

Аналитичарите предвидуваа поскромен раст, на околу 89,3 бодови. Вредностите под 100 бодови покажуваат негативни изгледи.

Податоците за јули покажуваат дека индексот на работната клима во најголемата економија во Европа расте трет месец со ред, откако во април падна на најниско ниво од 74,3 бодови од почетокот на анализирањето на овие податоци.

– Компаниите беа значително задоволни со својата моментална работна ситуација. Исто така се внимателно оптимистички расположени во поглед на престојните месеци, истакнува претседателот на институтот, Клеменс Фуест.

Според него германската економија се опоравува чекор по чекор.

 

 

Поврзани вести

Формирана анкетна комисија за разрешување на албанскиот претседател Мета

МИА Агенција

Димитров: Естонското искуство може многу да ѝ користи на Северна Македонија на патот кон ЕУ

Слободен печат

Законските решенија за легализација на дивоградби поддржани од матичната собраниска комисија

Слободен печат

Започна средбата помеѓу Пендаровски и Мицкоски

Слободен печат

Филипче: Нема ништо тајно и сомнително при набавката на кинеските вакцини

Слободен печат

Заев очекува Косово да го испочитува меѓународното право и да го екстрадира Африм Исмаиловиќ

Слободен печат

Остави Коментар