Македонската кошаркарска јуниорска репрезентација денеска убедливо триумфираше со 100:80 против Норвешка на Европското првенство дивизија „Б“ во Матошинос, Португалија.

Но, оваа победа не е доволна за нашите кошаркари за пласман во четвртфиналната фаза на шампионатот.

Еден од најмладите во нашиот јуниорски ростер, Никола Јаничиќ, ја заврши оваа средба со 24 поени (плус пет скока и три асистенции).

Андреј Шошкиќ дојде до 15 поени, 13 асистенции и седум скока, Иванов запиша 13, Луканоски 12, додека Стојковиќ застана на 10 постигнати поени.

В среда од 16.30 часот ќе играме против Исланд во обид да дојдеме до втората победа на првенството и место кое води во разигрување за пласман од деветтата до 16 позиција на ЕП.

ЕП – „ПОД 18“-MAЖИ-ДИВИЗИЈА „Б“- МАТОШИНОС 2023

ГРУПА „А“
РЕЗУЛТАТИ 4 КОЛО

Велика Британија – Австрија 79:64
МАКЕДОНИЈА – Норвешка 100:80
Исланд – слободен

ТАБЕЛА

1.Австрија 4 3 1 320:289 7 бодови
2.Велика Британија 3 3 0 240:200 6
3.МАКЕДОНИЈА 3 1 2 242:241 4
4.Исланд 3 1 2 219:233 4
5.Норвешка 3 0 3 218:276 3

ИДНО КОЛО (26 ЈУЛИ)

14.00: Норвешка – Велика Британија
16.30: Исланд – МАКЕДОНИЈА
Австрија – слободна