Прва лига: ТФТ израмни во четвртфиналниот плеј-оф против Чаир 2030
Чаир 2030 и ТФТ Моцарт го одиграа вториот натпревар од плеј-офот во четвртфиналето на Првата македонска кошаркарска лига, во салата „Шабан Трстена“ славеа гостите со 83:72 (45:35) за израмнување на 1:1 во серијата. На тој начин ТФТ обезбеди два натпревари на домашен терен, во СРЦ „Кале“.
ТФТ имаше постојана контрола над резултатот, ја доби првата четвртина со 22:17, а во втората „црно-белите“ од Тафталиџе беа подобри со 23:18.
Домаќините во третата четвртина по серијата од 10:3, се доближија на 45:48 во третата четвртина. Гостите одново влегоа во проблеми во реализацијата, за пет минути имаа само три поени (тројка на Калхун), па тренерот Смилковски мораше да побара тајм-аут. Без некој особен ефект, затоа што чаирчани и дефинитивно се вратија во натпреварот. На радост на домашниот состав погоди и Мустафица, и тоа тројка за егал скор (50:50), по 26 минути игра.
Следуваше контра-серија на ТФТ од 11:4 која ја инициираше Хаутон со шест поени за враќање на добар дел од високата позитива која ја имаа на полувремето (61:54). А Верц, со помош на Крстевски, му донесоа и уште повисоки 71:59, за по поентирањето на Луис, ТФТ да има и „плус 12“ (74:62), на 03:21 мин. пред крајот на мечот
Верц реализираше 24 поени во победничките редови, а на спротивната страна доминираше Галовеј со 21.
ПРВА ЛИГА-МАЖИ – ПЛЕЈ-ОФ – ЧЕТВРТФИНАЛЕ
РЕЗУЛТАТИ И ДВОЈКИ – ВТОРИ НАТПРЕВАРИ
Чаир 2030 – ТФТ Моцарт 72:83 (1-1)
Работнички – Феникс 2010 100:94 (2-0)
Пелистер – Еуро Никел 2005 90:85 (2-0)
13 АПРИЛ (САБОТА)
18.00: МЗТ Скопје Аеродром – Гостивар (1-0)
Сите серии во плеј-офот, се играат според принципот: „подобар од пет натпревари“ и системот „2-2-1“