Јавен обвинител и полицајци од СВР Скопје во селото Копаница, Скопско, нашле мртво тело на 37-годишна жена, која имала прострелна рана во главата.

„По наредба на јавниот обвинител телото на починатата е дадено на обдукција, а се преземаат и други мерки и активности за целосно расчистување на случајот. Покрај телото е пронајден пиштол ‘глог19’, сопственост на нејзиниот сопруг. Лицето веднаш беше обезбедено и Основното јавно обвинителство Скопје донесе наредба за спроведување истражна постапка за кривично дело – Неовластено изработување, држење, посредување и тргување со оружје или распрскувачки материјали, по член 396 од Кривичниот законик. Јавниот обвинител до судијата на претходна постапка достави предлог за определување мерка притвор за осомничениот и притворската мерка е прифатена од Судот“, соопштија од Обвинителство.

Во меѓувреме, оттаму велат дека заедно со полицијата продолжуваат да постапуваат за целосно испитување на настанот.

Пожар избувнал во женски тоалет во Обвинителството, пламнала тоалетна хартија