Пожарот кој попладнево избувна во објект кај „Рампа“, во скопската населба Кисела Вода, благодарение на брзата, храбра и професионална интервенција на Противпожарната бригада на Град Скопје, во рекордно време е ставен под контрола и локализиран, објави на Фејсбук скопскиот градоначалник Орце Ѓорѓиевски.

Со тоа, додаде градначалникот, беше спречено негово проширување кон околните објекти и избегната е поголема трагедија

„Фала Му на Бога, жртви нема. За жал, еден пожарникар е повреден при интервенцијата и веднаш е пренесен на клиника. Му посакувам брзо закрепнување и изразувам огромна благодарност за неговата пожртвуваност“, напиша Ѓорѓиевски.

Тој додаде дека ова е уште еден доказ колку е важна Противпожарната бригада и колку секојдневно пожарникарите го ризикуваат сопствениот живот за да ги заштитат граѓаните.

Инаку, во пожарот изгоре целиот објект, кој, неофицијално служел како магацин. Пожарникарски возила со голем број пожарникари, амбулантно и полициски возила уште се на терен. Иако веќе нема густ чад, сепак, непријатниот мирис на изгорено се уште е интензивен.

ВИДЕО+ФОТО | Пожар на „Јужен булевар“ — гори објект, пожарникарите се борат со пламените јазици