Времето денеска ќе биде променливо облачно со сончеви периоди и услови за слаб локален дожд во пограничните места. Ќе дува слаб до умерен ветер од северозападен правец.

Минималната температура ќе се движи во интервал од два до 11 степени, а максималната од 15 до 25 степени.

Во Скопје времето ќе биде променливо облачно со сончеви периоди. Ќе дува слаб до умерен северен ветер.

Утринската температура ќе се спушти до 8, а дневната ќе достигне 24 степени.

За утре од УХМР најавуваат променливо облачно и нестабилно со локален пороен дожд, пообилен во западните и југозападните делови (над 20 литар на метар квадратен), грмежи и засилен северозападен ветер.