Израелската продуцентка на популарната шпионска ТВ-серија „Техеран“ била пронајдена мртва во неделата во хотелска соба во Атина, а истрагата за случајот е во тек, пренесе „Катимерини“.

Телото на 52-годишната жена, идентификувана како Дана Еден, било пронајдено откако роднина неколкупати безуспешно се обидувал да стапи во контакт со неа.

Според наводите на полицијата, случајот засега се третира како самоубиство врз основа на собраните докази и сведочења.

Грчките истражители на местото на настанот пронашле таблети, а судскиот лекар утврдил и модринки на вратот на жртвата.

„Ова е момент на голема тага за семејството, пријателите и за колегите“, соопшти меѓународната продукциска куќа „Дона и Шула продакшнс“ во изјава за медиумите.

Од продукциската куќа појаснија дека гласините за кривично дело или за смрт поврзана со националистички мотиви не се точни и се неосновани, апелирајќи до медиумите и јавноста да се воздржат од објавување непроверени тврдења.

Еден престојувала во Грција каде што се снимала четвртата сезона на серијата „Техеран“.

Висок босански функционер е пронајден мртов во стан во Бања Лука