Министерот за здравство Оливие Веран ја откри оваа картата на Франција на која се претставени департманите во три бои според нивната погодност од коронавирусот и подготвеноста за излез од ограничувачките мерки: црвена, портокалова и зелена, јави дописникот на МИА.  

Департманите во зелена боја се подготвени за постепено подигање на мерките на ограничување од 11 мај, тие што се во црвена не ги исполнуваат условите и ќе останат со истите мерки на ограничување, а тие кои се обоени во портокалова боја можат да преминат според податоците во едната или другата фаза.

Париз е категоризирана во црвена боја на картата.

Оваа карта ќе се ажурира секој ден, во зависност од еволуцијата на Ковид-19 во департманите, а ќе биде „кристализирана” на 7 мај.

Критериумите за проценка се засноваат на три столба: стапката на зараза кај населението, бројот на места што се достапни во болницата и можноста за брзо тестирање на населението.