Претседателот на Аргентина, Алберто Фернандез е под истрага поради минатогодишната роденденската забава одржана за време кога беа забранети собири во затворено и во сила беше полициски час воведен поради Ковид-19, пренесува Ројтерс.

Истрагата е покрената откако неодамна се појавија фотографии од роденденската забава на Фернандез и неговата сопруга Фабиола Јанез со десетина гости, што се одржа на јуни 2020 година во претседателската резиденција.

Фернандез се извини и презеде одговорност за забавата, при тоа се понуди четири месеци да донира половина од платата за медицинскиот истражувачки центар Малбран.