Премиер лигата планира доделување на шампионскиот пехар
Се претпоставува дека релативно нормално ќе се продолжи, така што Редси можеби ќе го потврдат освојувањето на англискиот трон на својот стадион.
И натаму се работи на евентуално враќање на натпреварувачката сезона 2019/2020 во најсилното англиско првенство, екипите од денеска започнуваат со тренинзи.
Ливерпул е многу блиску до освојување на титулата во Премиер лигата, далеку пред второпласираниот Манчестер сити во генералниот пласман.
Едно од прашањата е и дали ќе се одржи традиционалната церемонија на доделувањето на трофејот кое е често поставувано воглавно од навивачите на Ливерпул кои на овој момент чекаат цели 30 години.
– Би сакале да одржиме церемонија на доделување на пехарот. Да им дадеме можност да го доживеат свечениот момент за кој многу работеа. Доколку бидат безбедни околностите, можеме истата да ја организираме – објасни извршниот директор на Премиер лигата, Ричард Мастерс.
Иако планот за враќање на сезоната сè уште не е завршен, се претпоставува дека релативно нормално ќе продолжи, така што Редси можеби ќе го потврдат освојувањето на англискиот трон на „Енфилд“, а за тоа им се потребни уште само две победи во преостанатите 10 мечеви до крајот на сезоната која според најавите ќе заврши без гледачи на трибините.