Преку осигурување на посевите земјоделците најбрзо ќе надоместат штета и ќе го обноват производството - Слободен печат

Преку осигурување на посевите земјоделците најбрзо ќе надоместат штета и ќе го обноват производството

Земјоделците чекаат на директна помош од државата за надоместување на штетите од поплавите и други временски неприлики, а тоа во бројки изнесува околу 5 милиони евра трошок за сите оштетени, што е прилично голем износ, кој може да се пренасочи за други потреби во земјоделството. Најдобро е земјоделците да ги осигураат своите површини, односно посевите со кои тие се засеани, со што многу полесно ќе ја надоместат штетата и побрзо ќе можат да го обноват производството.

Ова го порача Билјана Петровиќ од здружението „Современо Земјоделство” на првата трибина од едукативната кампања за подигнување на јавната свест за земјоделско осигурување што се одржа  во Битола во организација на земјоделското здружение „Современо земјоделство” и осигурителени компании, со поддршка од Владата на Република Северна Македонија.

Идејата за оваа кампања произлезе од потребата за поголема едукација и информираност на земјоделците за важноста од осигурувањето имајќи предвид влијанието на климатските промени и несигурноста на земјоделското производство како „фабрика на отворено”.

Петровиќ појасни дека ова е само првата фаза од ваква кампања што придонесува кон приближување и усогласување помеѓу интересите на осигурителните компании и земјоделците и воедно да се добие поголема информираност за начинот и условите за добивање на осигурителна полиса.

На трибината учествуваа претставници од неколку земјоделски здруженија кои дадоа свои забелешки и сугестии како да се зголеми интересот кај земјоделците за осигурување на производството, имотот, добитокот како и животното осигурување.

-Нашата забелешка до осигурителните компании е тоа што не сме доволно информирани односно очекуваме тие да ни укажуваат што е најдобро за нас, која нивна понуда е најприфатлива и да ни објаснат убаво, со едноставни зборови за да се разбереме пред да потпишеме полиса, а не потоа да се жалиме дека не сме задоволни од нивната компанија, вели Петре Стојковски од здружението „Клас”.

Поддршка во осигурувањето добиваат и од Министерството за земјоделство, шумарство и водостопанство кое покрива 60 отсто од вредноста на полисата, преку субвенционирање. На трибината се зборуваше и за превентивата што треба да биде позастапена со цел да не доаѓа до поголеми оштетувања од град кај лозовите и овошните насади, на кои поради застарениот начин на насад нема услови да се постават заштитни мрежи, особено во преспанскиот регион.

-Влада веќе го изгласа новиот начин на заштита со авионско засејување на облаците за превенција од природни непогоди и неповолни климатски настани врз земјоделски посеви. Станува збор за нов систем за заштита од временски непогоди што предвидува контрола на климатските услови преку таканаречено засејување. Тоа подразбира надлетување на небото на територија на Република Северна Македонија со специјално опремени авиони што ќе испуштаат раствор за спречување на формирање на мраз во облаците. Со овој вид на заштита од природни климатски непогоди како што е градот се постигнува најефикасен систем за превенција и неколкукратно поекономичен систем од старите ракетни системи, изјави Александар Мусалевски од Министерство за земјоделство, шумартсво и водостопанство.

Во кампањата учествуваа осигурителните компании Триглав, Евроинс, Кроација, Сава и СН Осигурителен брокер АД Битола.

Трибините продолжуваат и во други градови низ државата, за да се постигне поголема информираност и значително зголемување на земјоделското осигурување.

Прочитај повеќе

Хакиран телефонот на Џеф Безос- преземена голема количина на податоци

Слободен печат

Мицковска: Тажно е Теди да живее во кафез „два на два“

Слободен печат

Богојевски: Секоја пора во општеството е исполитизирана

Слободен печат

Во грчкиот Парламент утрово се избира претседател на државата

Слободен печат

Д-р Марија Цветановска: Подготвени сме за корона вирусот

Слободен печат

Радман: Отворањето преговори со Северна Македонија и Албанија важни за кредибилитетот на ЕУ

Слободен печат

Остави Коментар

seventeen + 9 =

Прочитај повеќе

Потврдени 440 нови случаи на корона вирусот во Кина

Слободен печат

Минусни температури ширум земјава, во Берово измерени минус 11 степени

Слободен печат

Француски европратеник: Ветото на Макрон не смее да внесе чувство на огорченост меѓу Македонците

МИА Агенција

Забрана од Трамп: Овие држави нема да добиваат визи од САД

Слободен печат

Венецуелски специјални сили ја затворија канцеларијата на Гуаидо во Каракас

Слободен печат

Се ближи денот на распуштање на Собранието, партиските ставови за Законот за ЈО непроменети

Слободен печат