Еден од најпопуларните јутјубери на сите времиња, Џејмс Чарлс, привремено нема да може да заработува од своите видеа на неговиот јутјуб-канал.

Одлуката на компанијата „Јутјуб“ доаѓа откако Чарлс беше обвинет за флерт и размена на несоодветни фотографии со малолетници.

Откако во јавноста се појавија обвиненијата на најмалку две малолетни лица дека Џејмс Чарлс, популарниот 21-годишен јутјубер, шминкер и сопственик на линија козметички производи, флертувал со нив и разменувал фотографии со несоодветна содржина, „Јутјуб“ конечно реши да реагира.

Јутјуб ѕвездата Џејмс Чарлс повторно обвинет за испраќање несоодветнa содржина со сексуална конотација на малолетници

На каналот на кој Чарлс има 25.500.000 следбеници, заработката од реклами привремено е суспендирана. За тоа наводно било одлучено уште неколку недели откако јавноста беше згрозена од скандалот во кој беше вмешан Чарлс.

Популарниот сервис посочи дека јутјуберот ја прекршил политиката поврзана со создавање содржина – случаи во кои индивидуалните корисници привлекуваат гнев и негативно внимание кон себе. Но, од „Јутјуб“ не е посочено колку долго ќе биде на сила демонетизацијата.

Да потсетиме, на почетокот на месецот, Чарлс објави видео со јавно извинување, но дури и по извинувањето повторно стана мета на критики, не само поради претходното несоодветно однесување, туку и затоа што наводно вметнал заработка на видеото во кое се извинува.

Чарлс не е првата личност на која ѝ е забранета заработка на јутјуб-каналот поради кршење на политиката за создавање содржина.

Ова веќе му се случило на Шејн Доусон, кој објави расистичка и антисемитска содржина, како и на Дејвид Добрик, чиј поранешен близок соработник беше обвинет за силување…