Сопственикот на ФОН Универзитетот Сефер Цаноски на својот фејбук профил, објави дека со авион во Охрид ќе и бидат донесени посмртните останки на Маја Миа Јанеска.

„Вчера министерката на претседателот на Јужна Африка ми се јави со шокантна вест и ме извести дека во петокот сабајле Маја го загубила животот во несреќен случај. Изразив сочувство до нејзината фамилија каде ме известија дека со нејзиниот вереник од Јужна Африка се слушнале за трагедијата која се случила и ветил дека заедно со авион ќе ги донесе посмртните останки и ќе биде достоинствено погребана во својот Охрид“, објави Цановски.

Тој напиша дека Јаневска помогнала нашата државата да биде признаена од Јужна Африка, а работела и на други планови во интерес на Македонија.

„Не можам да поверувам дека повеќе не е меѓу нас а само минатата недела беше во Македонија да го прослави тоа што на државава и помогна да биде признаена од Јужна Африка и после долго време да воспостават дипломатски односи.Ја немав видено повеќе од 20 години од средношколските денови и минатата година во Дебар мало некој ми вика “кај си школски ? Гледам познато лице. Море школски Маја ме заборај ? 20 години сум Африка, останав ама не старееме, гледам дека си и ти добар , уба генерација сме не се даваме… Ај да и помогнеме на државава да се признајт да напрајме нешто. Од секогаш беше добричина, уникатна и своја. Ја имаше истата енергија со еден куп планови и беше полна со живот.Ми кажа дека создала голема мрежа на пријатели во многу држави на афричкиот регион и дека ја почитуваат како успешна жена. Во тоа се уверив и сам во моето патување во Африка кога организираше средби со неколку земји и со цел државен врв во Преториа на Јужна Африка. Беше многу почитувана таму. А само 3 дена подоцна Ј. Африка испрати писмо до МНР на МКД дека се подготвени да воспостават дипломатски односи. Желба и беше во Ј. Африка да има македонска амбасада“, напиша Цановски.

За смртта на популарната мејкап артистка и инфлуенсерка Маја Миа, по потекло од Охрид први јавија медиумите од Африка.

Миа е родена во Македонија, но живеела во Танзанија повеќе од една деценија. Извештаите велат дека пред нејзината смрт таа живеела во Јужна Африка.

И Танзанискиот музичар, познатиот Оми Димпоз, инаку партнер на Маја, денес ја сподели тажната вест за смртта на македонската инфлуенсерка и мејкап артистка која долго време живеела на релација Африка – Македонија.

Маја Миа неодамна беше во центарот на вниманието на македонската јавност, откако заеднички фотографии со неа објавија актуелни политичари, меѓу кои и министерот за надворешни работи Бујар Османи и поранешниот министер за здравство, Венко Филипче.

Познатата инфлуенсерка Маја Миа Јанеска по потекло од Охрид пронајдена мртва