Потврдени уште две сезони од популарната серија „Bridgerton“ на „Netflix“
Хит серијата на „Bridgerton“ во продукција на „Netflix“, ќе има трета и четврта сезона, се вели во најавата на официјалниот инстаграм-профил на серијата.
„Имаме многу специјална најава. „Bridgerton“ ќе има трета и четврта сезона. Писателката ќе мора да купи повеќе мастило…“, гласеше објавата што несомнено воодушеви многу обожаватели ширум светот.
Но, обожавателите се уште не можат да ја „преболат“ неодамнешната вест дека ѕвездата од првата сезона, која освои многу срца, Реге-Жан Пејџ, нема да се појави во следните сезони.
Инаку, „Bridgerton“ е американска серија чие дејство се одвива во Лондон во 19 век. Продуцент на овој проект е Шонда Рајмс која стои зад голем број успешни серии, вклучувајќи ја и „Grays Anatomy“.
Во 2017 година, Рајмс потпиша повеќегодишен договор за ексклузивна соработка со „Netflix“ со цел да ја прошири понудата на „Netflix“ за свои оригинални серии, како што е „Bridgerton“.