По потврдувањето на два случаи на туберкулоза во установа во Волос, властите во централна Грција донесоа одлука привремено да ги затворат едно основно и едно средно училиште што ги посетуваат и ученици од блискиот специјален рурален воспитно-поправен дом за млади сторители, објави „AthensVoice“.

Наставата е прекината како превентивна мерка и затворањето ќе остане на сила до петок, период во кој надлежните институции ќе ги анализираат состојбите и ќе одлучуваат за дополнителни мерки со цел заштита на учениците и на вработените.