9 C
Скопје

Потресна исповед на Наташа од Тетово: Го изгубивме татко ми, ни забранија да му отидеме на погреб

Таа вели дека молела да му се направи на татко ѝ тестирање за коронавирус, бидејќи ги имал сите симптоми, но никој не сакал да го тестира, а со тоа ги изложил на ризик и останатите членови на семејството.

Вчера напладне беше погребан тетовецот кој почина од коронавирусот. Него до вечното почивалиште во тетовското село Фалине не го испрати никој од најблиското семејство. Неговите ќерка и сопруга, кои живееле заедно со него, се исто така позитивни на вирусот, и поради безбедносни мерки, не им било дозволено присуство на погребот.

Слободен печат разговараше со ќерката на починатиот, Наташа Апостоловска, која низ потресно сведоштво раскажува како е да се биде позитивен на Ковид 19, но и да се изгуби најблизок од истата болест, без можност да се види за последен пат. Со неа направивме една куса ретроспектива, што се случувало неколку дена пред да настапи смртта кај татко ѝ.

– На 23 март татко ми го пуштија од Заводот за рехабилитација Козле. Тој таму беше поради доживеан мозочен удар во октомври месец. Откако состојбата му се влошила бил однесен на гастро, таму пак викаат овој пациент е со температура, не е за тука. Носете го повторно во Козле. Во Козле не сакаат ни да слушнат да го примат назад. Татко ми си дојде дома, но за кратко – вака Наташа ја почнува потресната исповед.

Прочитајте и...  Здружение на правници Роми ги поздравува преземените мерки на МВР во врска со претепаното дете во Кочани

Таа вели дека молела да му се направи на татко ѝ тестирање за коронавирус, бидејќи ги имал сите симптоми, но никој не сакал да го тестира, а со тоа ги изложил на ризик и останатите членови на семејството.

– Се јавив на бројот на Институтот за јавно здравје, им ги кажав симптомите, но ми рекоа дека не можат да го тестираат. Посочија дека штом бил хоспитализиран во Козле, дека од таму треба да побараат тестирање. Се јавив и во Козле, од таму ми рекоа дека тоа не е нивна обврска. Се обидував да им објаснам, но залудно, не побараа тестирање за татко ми. Состојбата му се влоши, не можеше да дише. Се јавивме во ЦЈЗ, ни рекоа носете го на Инфективна – раскажува Наташа.

Прочитајте и...  Путин ја прими втората доза од вакцината против ковид-19

Потоа следувал транспорт до Скопје

– Кога дојде брзата помош, забележав дека никој од нив не носи заштитни ракавици ни маски, а им беше кажано дека има симптоми на коронавирус. Татко ми беше однесен со возило на брза помош во Скопје, без придружба на лекар, спротивно на сите протоколи – тврди Наташа.

Потоа следувала дезинфекција на нивниот дом и тестирање на членовите од семејството, по што Наташа и мајка ѝ добиле резултати кои покажувале дека се позитивни на коронавирус.

Таа тврди дека татко ѝ вирусот го добил од вработените во Козле, поточно од болничарот кој носи храна и од физиотерапевтот.

– Сигурна сум дека болничарот и физиотерапевтот се позитивни на вирусот. Татко ми од нив се заразил. Не е точно дека вирусот му е пренесен од некој кој доаѓал на посета, бидејќи на посета беше само мајка ми и тоа само еднаш, кога и било побарано да му однесе пелени и да му направи хигиенска нега.

Прочитајте и...  Бајден го покани Путин на состанок, а една држава се пријави да биде домаќин

Не е точно дека имал тумор на мозок

– Остро ја демантираме изјавата на министерот за здравство Венко Филипче дека татко ми имал тумор на мозок. Единствено е точно дека пред 33 години беше опериран од тумор на мозок, по што до сега живееше нормален живот – истакнува Апостоловска.

Семејството на починатиот најавува покренување на обвинение.

– Подготвени сме да се соочиме со нефункционалниот здравствен систем. Ќе покренеме обвинение спрема лекарите кои ја потпишале отпусната листа и дома пратиле болен човек, со тешка клиничка слика, што е потврдена сега и со негова смрт, и за болницата бидејќи не ги почитувала прописите за време на епидемија, со што го загрозија животот на татко ми, а на нашето семејство му предизвикаа болка, со тоа што бевме спречени да одиме на погреб – истакнува Наташа.

Поврзани вести

Добри вести од Русија: Не е регистриран ниту еден случај на тромбоза по примање на вакцината „Спутник В“

Слободен печат

МГ Фешн: Сакаме да инвестираме во парк и фонтана со површина колку градскиот плоштад на паркингот кај Холидеј ИН

СП.

ВИДЕО | Поранешна полицајка од Минесота обвинета за ненамерно убиство за време на рутинско запирање на возило

Слободен печат

Турски суд нареди ослободување на новинарот Ахмет Алтан

Слободен печат

Ново истражување носи лоши вести: Бразилскиот вид се менува за да ја намали ефективноста на вакцините

Слободен печат

Вучиќ ја назначи Невена Јовановиќ за нов амбасадор на Србија во Северна Македонија

Слободен печат

Остави Коментар