„БајонТек” и „Фајзер” ќе произведат околу две милијарди дози од својата вакцина против коронавирус во 2021 година, најави денеска германската биотехнолошка компанија.

„БајонТек” соопшти дека ќе отвори нов производствен капацитет во Марбург, Германија за да помогне во реализација на амбициозниот план. И двете компании се веќе посветени за повеќе од пола од таа цифра.

Претходно овој месец, компаниите постигнаа договор со Европската Унија за дополнителни 300 милиони дози што ќе бидат распределени во Унијата.