Вилијам Стивенсон, поранешниот сопруг на Џил Бајден, сопругата на ексамериканскиот претседател Џо Бајден е обвинет за убиство на својата сопруга, Линда Стивенсон, објави Гардијан.

Линда Стивенсон, 64, беше пронајдена мртва во нејзината дневна соба на 28 декември. Полицијата одговори на повик во врска со „семејна расправија“. Кога пристигнале властите, ја пронашле во несвест и, и покрај обидите да ѝ пружат прва помош, не можеле да ја спасат.

Нејзиниот сопруг, 77, иако се јавил во службите за итни случаи и наводно соработувал со полицијата за време на пронаоѓањето на телото, вчера е уапсен под обвинение за убиство од прв степен. Според полицијата, апсењето следело по „неколкунеделна истрага“ за околностите на нејзината смрт.

Вилијам Стивенсон се оженил со Џил Бајден во 1970 година, а се развеле пет години подоцна. Во 1977 година, Џил Бајден се омажила за Џо Бајден.

Обвинетиот, познат и како „Бил“ Стивенсон, е основач на популарниот клуб во Делавер, „Стоун Балон“, кој бил домаќин на познати музичари и бендови како Брус Спрингстин и „Металика“.