Поранешниот шеф на Хамас ги повика муслиманите на протести: „Вие што учите џихад, сега е време да ја примените теоријата“
Поранешниот шеф на Хамас Калид Мешал повика на протести низ муслиманскиот свет во петок за поддршка на Палестинците. Тој ги повика и народите од соседните земји да се приклучат во борбата против Израел, пренесува Ројтерс.
„Мораме да излеземе на плоштадите и улиците на арапскиот и исламскиот свет во петок“, рече Мешал, кој моментално ја предводи канцеларијата на Хамас за дијаспората, во видео изјава испратена до Ројтерс.
Мешал, кој е со седиште во Катар, рече дека владите и народите на Јордан, Сирија, Либан и Египет имаат поголема должност да ги поддржат Палестинците.
Племињата на Јордан, синовите на Јордан, браќата и сестрите на Јордан. Ова е моментот на вистината и границите се блиску до вас, сите ја знаете вашата одговорност“, рече Мешаал.
Јордан и Либан се дом на најголем број палестински бегалци.
„На сите научници кои предаваат џихад, на сите кои учат џихад, ова е моментот да се применат теориите“, рече Мешал.