Кошаркарот на Виртус Болоња, Лука Вилдоса, и неговата сопруга Милица Тасиќ се најдоа во центарот на голем скандал во Италија, откако беа уапсени по инцидент во кој, според италијанските медиуми, физички нападнале медицински тим.

Како што јавува угледната агенција АНСА, инцидентот се случил по провокации од страна на Вилдоса, кој подоцна, наводно, физички ја нападнал екипата на итната помош. Полицијата веднаш реагирала и ги привела и аргентинскиот кошаркар и неговата сопруга.

По краткиот престој во притвор, Вилдоса и Тасиќ се пуштени на слобода, бидејќи судијата не потврдил мерка за притвор. Тоа значи дека Аргентинецот ќе може да настапи на претстојниот натпревар против Асвел, но случајот е далеку од завршен.

„Случајот Вилдоса“ е главна тема во италијанските спортски и таблоидни медиуми, а јавноста со големо внимание го следи развојот на настаните. Во следните денови се очекуваат повеќе информации и можно судско разјаснување околу инцидентот што фрли сенка врз имиџот на Виртус и нивниот нов играч.

Ќе потсетиме, Вилдоса во еден период од својата кариера беше и важен член на Црвена Звезда.

Il playmaker argentino della Virtus Luca Vildoza, 30 anni, e la moglie, sono stati arrestati la scorsa notte dalla polizia a Bologna per aver aggredito un’operatrice di un’ambulanza nel corso di una lite in strada. #ANSA https://t.co/SMTgsGNuuF

— Agenzia ANSA (@Agenzia_Ansa) October 16, 2025

Преземено од: Спорт.ком.мк