Поранешниот командант на битката кај Кошаре, Џафер Гаши му одговори на изјавите на претседателот Александар Вучиќ кој денес посочувајќи го конфликтот во Нагорно Карабах изјави дека е потребно што поскоро решение за споровите меѓу Србија и Косово, затоа што, според него, „замрзнатите конфликти можат да ескалираат во вистинска катастрофа“.

Гаши кој во моментов е на чело на општината Обилиќ, а во јавноста е познат како командантот кој ја предводеше битката на Кошаре рече дека е подготвен, иако не го посакува тоа.

„Тука сме и ќе ги чекаме како што чекавме и тогаш. Посакувам да не дојде тој момент затоа што војната не носи добро, но ние сме тука и немаме намера да заминеме“, рече Гаши за Т7.

Тој исто така рече дека српските војници загинати во оваа битка биле погребани и истите по завршувањето на војната им биле предадени на надлежните органи.

Вјоса Османи: НАТО и ЕУ да реагираат на оваа закана со војна од страна на Вучиќ