Пред само два дена Вељко Пауновиќ официјално беше именуван за нов селектор на репрезентацијата на Србија, а тамошните медиуми веќе ги открија и имињата на неговите најблиски соработници во стручниот штаб, со кои ќе се обиде да го врати угледот на националниот тим.

Српскиот стратег ќе го има своето деби во ноемвриските квалификации, на гостувањето против Англија на „Вембли“, но шансите за пласман на Светското првенство се минимални. Поради тоа, главниот фокус на Пауновиќ ќе биде Лигата на нации, како и подготовките за квалификациите за Европското првенство 2028.

Во неговиот стручен штаб ќе се најдат неколку добро познати фудбалски имиња, меѓу кои се издвојува Квинтон Фортјун, поранешен јужноафрикански репрезентативец и фудбалер на Манчестер Јунајтед, кој веќе пет години работи како асистент на Пауновиќ.

Фортјун беше дел од славниот тим на Јунајтед од 1999 до 2006 година, со кој освои титула во Премиер лигата и англиски Суперкуп, а во својата кариера настапуваше и за Атлетико Мадрид, Мајорка, Болтон, Бреша, Тубизе и Донкастер, каде што во 2010 година стави крај на активното играње фудбал.

Тренер роден во Струмица ќе го наследи Пикси на клупата на Србија

Преземено од: Спорт.ком.мк