Српските медиуми пренесуваат дека поранешниот репрезентативец на Србија и Црна Гора, Вељко Пауновиќ, ќе биде новиот селектор на фудбалската репрезентација на Србија.

Раководството на Фудбалскиот сојуз на Србија, наводно, успеало да го убеди поранешниот тренер на Овиедо да ја прифати понудата, и покрај тоа што неодамна кружeа информации дека Пауновиќ не сакал да ја преземе функцијата под сегашното водство. Според истите извори, тој одбил понуда од мексиканскиот клуб Пумас и одлучил да се врати во српскиот фудбал.

Сепак, Пауновиќ нема веднаш да седне на клупата и неговиот ангажман ќе започне од 2026 година, додека квалификациите за Светското првенство ќе ги доврши актуелниот селектор на младинската репрезентација, Зоран Мирковиќ, кој го предводеше тимот и против Андора.

Роден во Струмица, идниот селектор добро го познава костурот на сегашниот национален тим, во кој сè уште настапуваат играчи што беа дел од генерацијата која пред десетина години го освои младинскиот Мундијал. Тоа би можело да значи и враќање на имиња како Мијат Гаќиновиќ, Сергеј Милинковиќ-Савиќ и Марко Грујиќ, кои претходно одбија настап под водство на Драган Стојковиќ.

По разделбата со Пикси, низ медиумите кружeа неколку можни наследници меѓу нив Дејан Станковиќ, Владан Милојевиќ и Марко Николиќм но, изгледа, довербата на ФСС на крајот му ја укажа на Пауновиќ.

Преземено од: Спорт.ком.мк