Поради обнова на мрежата за струја, најавени градежни активности на неколку улици во Соње
Градоначалникот на Општина Сопиште Јане Мицевски информираше дека пред два дена започнале градежни активности на неколку улици во Горно и Долно Соње, каде се поставуваат нови кабли како дел од модернизирањето на електродистрибутивната мрежа.
Препорачано
„Почитувани, во партнерство со ЕВН Македонија, од денес започнуваме со земјеноградежни активности како дел од инвестиционен проект за каблирање и модернизација на електродистрибутивната мрежа.Со реализацијата на проектот ќе се подобрат напонските услови и ќе се зголеми стабилноста и сигурноста во снабдувањето со електрична енергија за сите домаќинства и компании“, соопшти градоначалникот.
Градежните работи ќе се одвиваат на продолжението од улицата „8“ во Долно Соње и улиците „12“ и „1“ во Горно Соње
Мицевски апелираше до жителите да имаат разбирање и трпение додека траат активностите.
