Планираниот пријателски меч меѓу Новак Ѓоковиќ и Стефанос Циципас, кој требаше да се одржи денеска во Атина, е откажан во последен момент откако грчките власти оценија дека безбедносните услови не се соодветни за реализација на настанот, јавуваат локалните медиуми.

Натпреварот со ревијален карактер беше најавен во Зепион, во срцето на грчката престолнина, и требаше да привлече голем број љубители на тенисот.

Сепак, полицијата и безбедносните служби проценија дека постои ризик и потенцијални организациски проблеми околу собирот на таа локација, поради што донеле одлука да го откажат мечот.

Публиката, така, остана без можност да ужива во атрактивните потези на Ѓоковиќ и Циципас, но одложувањето нема да влијае врз одржувањето на официјалниот тениски турнир во Атина, кој ќе се игра од 2 до 8 ноември.

Преземено од: Спорт.ком.мк