Популарното грчко летувалиште Пефкохори против арогантните туристи: За ова ќе плаќате казна

Фото: Профимедиа

Оставањето лични реквизите за на плажа, вклучувајќи чадорите за сонце, крпите и лежалките, а сè со цел чување место на плажата, дури и кога не престојуваат на неа, стана вистински непријатен тренд којшто се шири, како на Јадранското крајбрежје, така и на плажите во Грција.

Овојпат месната заедница на едно грчко летувалиште кое им е омилено и на Македонците, одлучила да застане на патот на ваквото арогантно однесување на туристите.

На фејсбук-страницата на грчкото гратче Пефкохори, едно од најпопуларните летувалишта на Халкидики, завчера било објавено известување во кое се наведува дека е забрането оставање лични работи на плажа поради „резервација“.

Фото: Принтскрин/Фејсбук

„Забрането е оставање лични работи на плажите преку ноќта, рано наутро со цел резервирање на места за сончање. Во спротивно истите ќе бидат одземени од страна на комуналните редари и ќе бидат вратени само по плаќање на казните“, пишува во соопштението.

Во објавата, на чија автентичност се повикува и грчкиот портал „Voria“, не е наведена колкава казна е пропишана за оставање лични работи за плажа за уживање.

 

 

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот