Понуда од 120 милиони евра за Мбапе, дали ПСЖ ќе ја прифати?
Францускиот репрезентативец би можел до крајот на летниот преоден рок да биде нов член на Реал Мадрид.
Но, после доаѓањето на Лионел Меси во Париз кого веќе го поздрави Килијан Мбапе, можно е да почека евентуалниот трансфер во „кралскиот“ клуб за една година, поточно до 30 јуни 2022 година кога на Французинот му истекува договорот со ПСЖ.
Засега нема никакви најави за продолжување на соработката со париските „светци“, но Реал и натаму ќе притиска да го ангажира еден од најдобрите европски напаѓачи.
Според францускиот медиум „Ле Паризиен“, Реал нуди 120 милиони евра за услугите на Мбапе кој според „Трансфермаркт“ моментно вреди 160 милиони.
🚨 BREAKING: Real Madrid to open official negotiations with PSG for Kylian Mbappé. First offer will be €120m. @le_Parisien 🇫🇷
— Infinite Madrid (@InfiniteMadrid) August 13, 2021
За Мбапе денеска зборуваше и тренерот на мадридскиот гигант, Карло Анчелоти:
– Мбапе како опција? Секојдневно разговарам со претседателот на клубот (Флорентино Перез). Имаме бројни теми, но не можам да ви откривам детали – рече Анчелоти.
Од 2017 година ги брани боите на ПСЖ, за тимот од „Паркот на принцовите“ одигра 172 натпревари и реализираше досега 132 голови.