Полицијата го бара скопјанецот кој го чувал волкот на синџир, му се заканува казна од 20.000 евра
Полицијата презема мерки за утврдување на идентитетот на лицето што го чувало волкот заловен пред неколку дена во скопската населба Козле.
Препорачано
Од Министерството за внатрешни работи соопштија дека се работи на откривање на локацијата каде што животното било чувано, како и на лицето одговорно за неговото заробеништво.
Според законските прописи, чувањето диви животни без соодветна дозвола може да донесе сериозни казни, а во одредени случаи тие достигнуваат и до 20.000 евра. Законот за заштита на природата вели дека чувањето и размножувањето диви животински видови без соодветни услови и одобренија е забрането.
Случајот со волкот предизвика бурни реакции во јавноста, а институциите цел ден утврдуваа дали се работи за куче или за волк.
Скопската зоолошка градина информираше дека по проверките, експерти од ЗОО Скопје и од Агенцијата за храна и ветеринарство утврдиле дека станува збор за млад и неухранет волк, тежок околу 25 килограми.
ВИДЕО: Мечка преплива цело езеро во Грција, долго 20 километри
