Овој рецепт за домашен сникерс е одлична замена за купечкиот бидејќи се прави со поздрави состојки и не бара од вас да топлите рерна на ова жешко време.

Потребни состојки:

– 100 г млеко во прав
– 160 г несолени кикирики сомелени
– 20 г цели несолени кикирики
– 120 г мед
За премачкување – 150 г темно чоколадо

Подготовка:

Млекото во прав ставете го во тава и пржете го на тивко додека порумени. Потоа префрлете го во блендер или во сечко и сомелете го. Префрлете го во еден сад. Измелените кикирики додајте ги во млекото, потоа додајте ги целите кикирики и медот. Соединете со мешање и оставете ја смесата во фрижидер да стои 20
минути. Обликувајте мали штангли чоколадо, потопете ги во растопено чоколадо и наредете ги во послужавник обложен со хартија за печење, па нека стојат во фрижидер еден час.