Поднесено обвинение за компанијата на Трамп
Истражниот суд во Њу Јорк во средата подигна обвинение против Организацијата Трамп, компаниите на поранешниот претседател Доналд Трамп. Покрај Трамп, обвиненија се покренати и против неговиот долгогодишен главен финансиски директор Ален Веиселберг, пренесува Вашингтон Пост.
Обвинението околу сомнителните финансии на поранешниот претседател, за кое се очекува дека ќе биде објавено денеска попладне по локално време, ќе биде првото по тригодишната истрага на државниот адвокат на Менхетен, Сајрус Венс.
Точното обвинение сеуште не е познато, но Вашингтон Пост пренесува дека ќе биде поврзано со неплаќањено на данок за бонус, односно со бенефициите на менаџерите на Организацијата Трамп.
Интересно е што, како што пренесува Аксиос, обвинителството енергично извршувале притисок на 73 годишниот Веиселберг, кој детално е запознает со финансиите на Организацијата Трамп и од него се бараше да учествува во истрагата. Со други зборови, барале од него да му сврти грб на Доналд Трамп. Денеска се очекува Веиселберг да излезе пред судот.
Трамп и неговото семејство не се осудени во склоп со ова обвинение, но истрагата и понатаму е во тек и може да се создадат нови обвинениа.
Организацијата Трамп е под истрага на Венс уште од 2019-та година откако се дозна дека поранешниот адвокат и советник на Трамп, Мајкл Кохен му се надокнадиле 130 илјади долари. Кохен во меѓувреме беше осуден на три години затвор.
Венс уште во август 2019-та издаде налог за заплена на финансиските документи на Трамп и конечно ги доби во февруари годинава.
Трамп сеуште негира било какво незаконско работење, а во понеделникот објави соопштение во кое уште еднаш ги отфрли новите обвиненија од истрагата како „продолжение на најголемиот лов на вештерки на сите времиња“.
Против компанија на Трамп може да бидат подигнати криминални обвиненија во Њујорк