Екипата на „Медена земја“ е подготвена за 92-то доделување на Оскарите, а предмалку споделија и фотографија на Фејсбук. Цел тим е облечен во креации на „Кокев“, а Атиџе блеска во креацијата автентични шалвари.

Главната ѕвезда, медената Атиџе заедно со режисерите Тамара Котевска и Љубо Стефанов, кинематограферите Фејми Даут и Самир Љума, продуцентот и монтажер Атанас Георгиев, Рана Еид и Благоја Неделковски вечерва ќе се борат за најпрестижната награда во две категории, најдобар документарен филм и најдобар странски филм.

Со самите две номинации, „Медена земја“ испишува историја како единствен документарен филм кој бил номиниран и во категоријата најдобар интернационален филм на  светско ниво, и е првиот македонски документарен филм кој добил волку внимание од светската јавност некогаш. Воедно, Тамара Котевска испишува историја со тоа што е една од четирите жени режисерки во категоријата најдобар документарец, нешто што не се случило досега во 92-годишната историја на Оскарите. 

Преносот од црвениот килим од пред театарот Долби ќе почне половина час после полноќ, а церемонијата почнува во два часот по полноќ.

Вечерва стискаме палци за нашата медена екипа!

View this post on Instagram

? The Honeyland team is headed to the red carpet and the Oscars. They are grateful to all the supporters of our film at home and worldwide for their love and appreciation! ? ? Во моментов тимот на „Медена земја“ оди кон церемонијата на доделувањето на Оскарите. Упатуваат голема благодарност до сите поддржувачи на филмот! ?

A post shared by Honeyland – Медена земја (@honeyland_medena_zemja) on Feb 9, 2020 at 2:23pm PST