Почина Предраг Живковиќ Тозовац
Пејачот Предраг Живковиќ Тозовац почина на 85-годишна возраст.
Тозовац се лекувал од коронавирус последните неколку недели, а веста дека починал за „Блиц“ ја потврдил неговиот кум.
„За жал, тој не издржа, овој ковид целосно го уништи“, изјавил тој.
Да потсетиме, Предраг Живковиќ Тозовац беше примен во болницата „Драгиша Мишовиќ“ на почетокот на месецот како последица на коронавирусот.
Пејачот беше примен со пневмонија и беше приклучен на кислородна поддршка заради претпазливост. Непосредно пред да се зарази ја примил и втората доза од кинеската вакцина, поради што немал тешки симптоми.
По болничкото лекување медиумите соопштија дека се чувствувал подобро, по што пејачот бил пуштен на домашна нега.