Почина пејачката од бендот кој цел свет го обожаваше во 90-те години: Барби Кели ја изгуби животната битка на 46-годишна возраст
Барби Кели, членката на некогаш планетарно популарниот ирски бенд, „The Kelly Family“ по кратко боледување почина на 46-годишна возраст.
Нејзиното семејство ја информираше јавноста за трагичните вести преку официјалниот канал на бендот.
– Нашата сакана сестра Барби почина пред неколку дена. Длабоко сме тажни, бескрајно ќе ни недостасува и секогаш ќе ја носиме во нашите срца. Им благодариме на сите за сочувството и молитвите во овој момент – напишаа тие.
View this post on Instagram
Пред 20 години, Барби го напушти семејниот бенд и се повлече од јавноста поради ментална болест, а нејзиниот брат Џими тогаш изјави дека неговата сестра не се чувствува добро и дека и е потребна помош. Тој заклучи дека големата светска популарност што бендот ја имал во тоа време и огромниот притисок ја уништил неговата сестра.
Ирско-американскиот вокален колектив ја започна својата кариера во 70-те со улични концерти низ цела Европа. Големиот чекор напред на музичката сцена се случи многу подоцна, во 90-тите. Во 1994 година, тие го снимија хит-албумот „Over the Hump“, кој ги претвори браќата и сестрите Анџела, Педи, Патриција, Мејт, Кејти, Барби, Џон, Џими и Џои во големи музички sвезди, а светот полуде по нивниот поп – фолк звук.