По повеќе од две децении германскиот произведувач на автомобили BMW го менува логото.

Овој автогигант го претстави новото лого на премиерата на новиот модел „i4“. Препознатливата бела и сина боја, инаку земени од знамето на Баварија, се уште се тука, но без традиционалната црната рамка. Во BMW одлучија да го модернизираат знакот на сличен начин како нивните ривали Volkswagen, односно да го поедностават.

– Ново лого за нова ера – се наведува во инстаграм-соопштението на компанијата.

„Стариот црн прстен е отстрантет, а сега новото лого зрачи со отвореност и јасност – рече Џенс Тајмер, вишиот потпретседател на компанијата, во соопштение објавено на нивниот сајт.

Ова е шести пат BMW да го менува логото. Последниот пат тоа го направија во 1997 година. Меѓутоа, оваа промена е една од најрадикалните досега и прва која го исфрла црниот прстен.