По лошите резултати, Вук Јеремиќ поднесе оставка на местото претседател на Народната партија
Неотповиклива оставка поднесе претседателот на Народната партија, Вук Јеремиќ.
Како што објави на социјалната мрежа Х, одлуката ја донел пред неколку дена, а вечерва им ја соопштил на членовите на Претседателството на Народната партија.
„Со оглед на изборните резултати, ова е единствениот одговорен чекор што го зачувува достоинството на партијата и неопходен предуслов за таа да може повторно да се издигне, останувајќи доследна на својата првобитна политика и принципи“, напиша тој.
Podneo sam neopozivu ostavku na mesto predsednika Narodne stranke.
Ovu odluku sam doneo pre nekoliko dana, a večeras sam je saopštio ljudima za koje sam osećao potrebu da o tome budu obavešteni pre ostatka javnosti – članovima Predsedništva Narodne stranke.
Imajući u vidu…
— Vuk Jeremić (@jeremic_vuk) December 22, 2023
Како што изјави, горд е што во изминатите шест години имал чест да води исклучителни луѓе.
„Тие станаа мое семејство и секогаш ќе можат да сметаат на мене“, вели Јеремиќ.
Според него, новиот лидер на Народната партија ќе го изберат членовите на Изборното собрание на партијата, објави Телеграф.