По две децении брак: Анета и Џими од „Молика“ се разведуваат
Пејачката на народна музика Анета Мицевска, која е позната како вокал на групата „Молика“, се разведува од сопругот Џими Мицевски по две децении брак.
Како што објави „Свет Аустралија“, нивната разделба е спогодбена. Иако се разделуваат, тие ќе продолжат да соработуваат професионално.
Двојката ја има ќерката Моника, која студира и живее во Германија. Анета му е втора сопруга на Џими, кој од претходниот брак има син.
„Молика“ е музичка група формирана во 1995 година, во Битола. Низ годините, тие имаат објавено осум студиски албуми и имаат одржано голем број концерти низ светот, каде што живеат нашинци.
Групата ја сочинуваат Анета Мицевска (вокал), Јовица Наумчевски (вокал), Џими Мицевски (клавијатура), Зизо Пуровски (хармоника и клавијатура), Рубин Размовски (кларинет/сах) и Александар Талевски (тапани).