Бразилскиот претседател Хаир Болсонаро во неделата ја напушти болницата во Сао Паоло каде се лекуваше четири дена поради интестинална опструкција.

„Морав да бидам на диета и да направам тоа што беше потребно. Првиот ден сакав да заминам, но тие не ми дозволија. Се надевам дека за неколку дена ќе успеам да јадам бифтек “, рече Болсонаро на излезот од приватната болница.

Иако беше хоспитализиран, Болсонаро ги извршуваше своите функции и беше многу активен на социјалните мрежи, објавувајќи фотографии и политички коментари, особено за истрагата на Комисијата на Сенатот (ЦПИ) против неговата Влада за наводно нередовната набавка на вакцини против„ковид-19“.

„ЦПИ постојано ме обвинува за корупција. Немам купено, немам платено “, изјави тој пред новинарите.

Хаир Болсонаро застана во одбрана и на неговиот поранешен министер за здравство, генерал Едуардо Пазуел.

Оваа хоспитализација на претседателот се случи во контекст на политичка криза и пад на неговата популарност, поради обвинувањата за корупција во договорите на неговата Влада со која се соочуваше со пандемијата, во која речиси 540 000 луѓе веќе починаа во земјата.