Пјаниќ сонуваше да игра за Реал, ќе го носи дресот на Барса!
Наскоро треба да се официјализира најавената размена на играчи помеѓу Барселона и Јувентус.
Според италијанскиот новинар Ромео Агрести, кој воглавно следи што е најново во Јуве, објави дека Миралем Пјаниќ стигна на лекарски прегледи во медицинскиот центар во кој според истиот протокол прегледи ќе направи и Артур, кој пристигна доцна синоќа од Барселона во Торино.
Артур и Пјаниќ ќе ги променат улогите откако ќе ги направат прегледите, па само формалности ги делат двајцата играчи од досега највозбудливата трансфер приказна ова лето.
Miralem Pjanić ? Arthur
Both players have arrived for their medicals ahead of the swap deal between Juventus and Barcelona. | ✍️ @TomGott2
— 90min (@90min_Football) June 28, 2020
Босанецот моментно се наоѓа на лекарски прегледи и наскоро треба да биде нов играч во екипата од „Камп Ноу“.
Ова ќе биде уште еден голем чекор во неговата кариера, а пред неколку години додека уште беше член на Рома имаше изјава која не им се допадна на фановите на каталонскиот гигант:
– Доколку ме прашате, кој е мојот најомилен клуб, ќе ви кажам дека тоа е Реал Мадрид. Кој е мојот најомилен играч, тоа е Зинедин Зидан (тренерот на „кралскиот клуб“). Тоа е клубот кој го сакам уште како дете и сонувам да играм за таа екипа – беа тогаш зборовите на Пјаниќ.