Во неодамна објавениот дневник на пилотот на нацистичкиот лидер, Ханс Баур, тој открива што му кажал Адолф Хитлер пред да изврши самоубиство во бункер во Берлин.

Баур наводно му сугерирал на Фирерот да побегне во Јапонија или Аргентина, но нацистичкиот лидер тоа го одбил.

Генералот-полковник Ханс Баур, кој му бил личен пилот на Хитлер и негов близок пријател, во својот дневник открива дека нацистичкиот лидер му рекол „завршувам денеска“, на денот кога го извршил самоубиството.

„Човекот мора да биде доволно храбар за да се соочи со последиците на своите постапки – и за тоа сега завршувам. Знам дека утре милиони луѓе ќе ме проколнуваат – тоа е судбината“, гласеле последните зборови на Хитлер, според дневникот на Баур.