Тројца повредени од кои едно дете во тешка сообраќајна несреќа што се случила вчера вечер на регионаниот пат Делчево – Берово, соопшти Министерството за внатрешни работи.

Според информациите, до несреќата дошло кога возилото излетало од патот.

„На 15.05.2026 во 20:32 часот во ОВР Делчево е пријавено дека на регионалниот пат Делчево – Берово, патничко возило „мазда” со делчевски регистарски ознаки, управувано од К.Г.(53) од с. Нов Истевник, делчевско, на место викано „Курачка мала”, атар на с. Нов Истевник излетало од патот. Во несреќата со тешки телесни повреди се здобила 45-годишната В.А., а со телесни повреди се здобиле нејзиниот 12-годишен син, двајцата од Делчево. Со повреди се здобил и возачот К.Г., констатирани во Медицински центар Штип.

По преземени мерки, полициски службеници кај возачот констатирале дека го управувал возилото под дејство на алкохол и кај него биле измерени 1,79 промили алкохол во крвта. Тој е уапсен и по целосно документирање на случајот ќе следува соодветна пријава.

Извршен бил увид од увидна екипа од ОВР Делчево.

ВИДЕО | Се запали автобус на автопатот Велес-Скопје, патниците бегале