Петмина луѓе се повредени вчера претпладне во тешка сообраќајна несреќа на автопатот Скопје-Велес, кога автомобил возен од 19-годишен скопјанец, излетал од коловозот, соопшти МВР.

„На 08.12.2025 околу 10:15 часот во СВР Скопје е пријавено дека на автопатот Скопје-Велес, кај клучка Илинден, патничко возило „фолксваген пасат“ со скопски регистарски ознаки, управувано од Л.А.(19) од Скопје, излетало надвор од коловозот. Во несреќата со тешки телесни повреди се здобил сопатникот С.А., додека со телесни повреди се здобиле возачот и сопатниците Ф.А., Е.А. и Н.А., сите од Скопје, констатирани во Комплексот клиники „Мајка Тереза“ и Градската општа болница „Св. Наум Охридски“. Извршен е увид од екипа од СВР Скопје“, пишува во полицискиот билтен.