Екипата на Пелистер експресно се врати на домашната сцена по настапот во Лигата на шампионите и славеше убедлива победа над Куманово со 43-21.

Куманово немаше одговор за разиграните „зелено-бели“, кои уште од стартот наметнаа жестоко темпо и рано ставија до знаење кој ќе ги освои бодовите.

Веќе на полувремето предноста беше двоцифрена (22-10), со што сите дилеми околу победникот беа расчистени. Во второто полувреме разликата само растеше, а домаќинот успеа да постигне скромен број голови, додека Пелистер без намалување на ритамот ја зголемуваше предноста до конечниот триумф.

Во листата на стрелци блескаше Богдан Радивојевиќ со 14 погодоци, додека Павле Атанасијевиќ беше максимално прецизен со осум гола од осум обиди. Кај кумановци најефикасен беше Христијан Вујицевски со шест погодоци.