Според италијанските медиуми Рома моментно е во најдобра позиција за потписот на досегашното крило на Челси. Но, освен римската „волчица“ во трката за услугите на Педро се наоѓа и актуелниот шампион во Серија А, Јувентус.

Како што информира „Калчомеркато“, Педро (32) ќе се раздели со лондонските „сини“ кога ќе му истече договорот ова лето.

Roma in pole for Pedro?

Roma are reportedly in pole position to sign Chelsea winger Pedro Rodriguez, who is also a target for Juventus.
[football-italia] #SerieA

— JRB | FaceSwap BOT (@JuveTweetBot) June 3, 2020

Воедно има понуди и од американската МЛС лига, но поголеми се шансите искусниот шпански интернационалец да остане на европско тло.

Со Барселона ги имаше најголемите успеси на клупски план, петпати ја освои „Ла Лига“, а трипати Лигата на шампионите.

Најблиску е да го облече дресот на Рома, но можно е и алтернативата повторно за тренер да го има Маурицио Сари кој ја води „Старата дама“, откако минатата сезона соработуваа на „Стемфорд Бриџ“.