Пеци: Оставка не е опција, имаме многу работа
Градоначалникот на Звечан Илир Пеци изјави дека за него оставка од таа функција не е опција, пренесува Репортери. Пеци изјави дека сите општински дирекции почнале со работа и додаде дека им служат на граѓаните без разлика на националноста.
„Всушност, ние го продолжуваме нашиот мандат опслужувајќи им на граѓаните без разлика на националноста. На пример, вчера беше постигнат договор со општина Глоговац за меѓуопштинска соработка“, рече Пеци.
Тој додаде дека работата се одвива без проблеми и дека во дирекциите има и припадници на српската заедница.
Имаме 11 директори, сите си ги исполнуваат обврските, имаме многу работа, па гледаме причина да си дадеме оставка“, рече Пеци.
Како една од можностите за што поскоро одржување на избори на северот на Косово беше споменато дека оставки поднесуваат и градоначалниците Албанци во локалните самоуправи со српско мнозинство. Министерот за администрација и локална самоуправа Елберт Красниќи изјави дека предвремени избори може да се одржат доколку 20 отсто од гласачите во една општина потпишат петиција за смена на градоначалникот на таа општина.