Бомбаш самоубиец денеска се разнел на една свадба на северозападот на Пакистан, при што загинале најмалку 7 лица, а повредил 25, соопшти полицијата, пренесе „AP“.

Експлозијата се случила во куќата на Нур Алам Мехсуд, провладин функционер во Дера Исмаил Кан, место во провинцијата Хајбер Пахтунхва, изјави началникот на локалната полиција Аднан Кан.

Тој додаде дека полицајците ги пренесуваат загинатите и повредените во болница.

Засега ниту една милитантна група не ја презела одговорноста за нападот, а постои сомнеж дека станува збор за пакистанските талибанци (ТТП), кои во последните неколку години извршиле бројни напади низ земјата и соработуваат со авганистанските талибанци.