Една пациентка, за која постојат сомненија дека е инфицирана со коронавирус, побегна од оделението за изолација во Салцбург.

Болницата ја информирала полицијата, која сега трага по побегнатата пациентка.

Анализите за тоа дали пациентката е заразена со коронавирус или не ќе бидат завршени со попладневниот период.

Таа во вторникот со возило на Итната помош е пренесена во болницата, но за време на ноќта ја наупуштила здравствената установа без договор со персоналот кој работи таму.

Жената на 7 јануари патувала од Тајван кон Нов Зеланд, од каде пред извесен период се вратила во Австрија.

За време на летот кон Австрија таа се соочила со проблеми со дишните органи. Бидејќи ги информирала надлежните дека има симптоми како кашлица, за неа било подготвено специјално возило кое ја преземало веднаш по слетувањето.