Ова ќе биде главниот ретро аксесоар за летната сезона! (ФОТО)
Пластичната штипка за коса е неопходно нешто ова лето! Минатото лето на сцената се врати со ревијата на Александар Венг во предимензионален футуристички фазон, а сега убаво се прилагоди како еден од главните (ретро) аксесоари за ова лето и тоа во секојдневен непретенциозен облик.
Секако, не постои време кога не можеле овие штипки да се купат било каде. Дали ги имаме некаде фрлено во соба или ни стојат во бањата, тие се секогаш тука. Сега, поради некоја причина имаме желба да ги покажуваме и во јавност. Веројатно се работи за налет на носталгија и карантинот како катализатор, но наеднаш некако добро ни изгледаат покрај сите предимензионални дуксери, блузи и кратки маички на прерамки. Едни од познатите девојки кои го негуваат овој тренд се и Бела Хадид, Кендал Џенер, Хејли Балдвин Бибер и Каја Гербер.
Тоа што не може да се негира е фактот дека тие навистина совршено го надополнуваат лежерниот стајлинг. Сакате минимализам? Секое одело ќе изгледа подотерано со пунџа која е прицврстена од пластична штипка во дезен на желка или во црна боја.
Ретро? Пастелот е вашиот најдобар сојузник, евентуално и некој цвет на штипката.
Максимализам? Постојат огромен број на штипки украсени со бисери и различни камења. Пластичната штипка е насекаде и во полн сјај!