Натпреварот заврши со резултат 82:65 во корист на Арсенал, но неверојатно делува податокот дека во последните седум минути беа постигнати само три поени, и тоа случајно со шут од табла на еден гостински кошаркар.

Трагикомичната завршница во Тула во последните седум минути донесе девет промашени слободни фрлања и дури 13 загубени топки. Покрај тоа, екипите пет пати не го искористија времето за напад, а два пати не беше исфрлена топката од аут за пет секунди. И шутевите кон кошот не беа прецизни, Арсенал ги промаши сите пет шута, додека Динамо имаше едно промашување од два шута.

На крајот двете екипи беа испратени со свирежи, а истражните органи најавија детална истрага за „местенката“. Засега Руската кошаркарска федерација го исфрли Арсенал Тула од втората лига, а се суспендирани неколку кошаркари, додека тренерот Виктор Усков доби забрана за работа до 31 декември 2021 година. Интересно е што кошаркарите на Динамо поминаа само со укор.

Трагикомичната завршница од натпреварот може да ја погледнете на овој ЛИНК.